Dura Atha Sulangeda - Uresha & Udaya Sri

දුර ඈත සුලඟේද

දුර ඈත සුලඟේද පාවී හමන්නේ
උපනූපන් හැම වාරයේ
මුදු සීත සුවඳේද මුසුවී දැනෙන්නේ
සංසාර ආරන්යයේ
බිඟු ගායනා සොයා මේ
පෙර ඇසුරදෝ හැඟෙන්නේ
උන්මාද යෞවනය විසිරී ගියාවේ
මේ රම්‍ය මිටියාවතේ

ප්‍රියයානනේ හද විල් ජලේ ඉපිලී නැගේ තරංගා
බොඳ මීදුමේ නෙතු මායිමේ සැඟවී පිපේ ප්‍රාර්ථනා
තුරුවැල් විමානේ රැව් දෙන්නේ 
මේ විහඟ ගී ගායනා

ගිම්හානයේ හේමන්තයේ ඔබමයි මගේ වසන්තේ
සිහිලැල් නොවේ වස්සානයේ උනුහුම පිරේ පෙම්සිතේ
කවිකම් විලාසෙන් ලියවෙන්නේ
මේ සොදුරු සන්ගායනා

දුර ඈත සුලඟේද පාවී හමන්නේ........

MP3 Download 

ගායනය - උරේෂා රවිහාරි & උදය ශ්‍රී

Saba Nowena Heena Hari Mihiri - Kasun Kalhara

සැබෑ නොවෙනා හීන හරි මිහිරියි

සැබෑ නොවෙනා හීන හරි මිහිරියි
ක්ෂිතිජයක් සේ රවටලා සිත
සිතින් විතරන් එක්වෙලා
අතීතය දෝතට අරන් අපි
අහස් ගඟටම විසි කළා
සැබෑ නොවෙනා හීන හරි මිහිරියි

එදා අප පියමං කරපු මග
වියෝවක ගී ඉතිරි වී ඇත
එපා සුළඟේ අරන් යන්නට
ඔහේ තිබුණාදෙන්
සැබෑ නොවෙනා හීන හරි මිහිරියි

පහන නිවුනා පහන් පැල මත
ඒ සුවඳ තාමත් රැඳී ඇත
එපා සුළඟේ අරන් යන්නට
ඔහේ තිබුණාදෙන්
සැබෑ නොවෙනා හීන හරි මිහිරියි

MP3 Download

ගායනය - කසුන් කල්හාර
සංගීතය - නාලක අංජන කුමාර
පද - නයනසේන වන්නිනායක